CONSELLERÍA DE MEDIO AMBIENTE
Decreto
106/2004, do 27 de maio, polo que se establece a estrutura orgánica da
Consellería de Medio Ambiente.
2.1. Subdirección Xeral de
Recursos Forestais, que exercerá as funcións relativas á conservación e fomento
dos recursos forestais, a regulación e ordenación dos seus aproveitamentos; o
asesoramento técnico e administrativo das comunidades propietarias de montes en
man común, a xestión do rexistro xeral dos montes veciñais en man común, as
accións tendentes ao deslinde dos ditos montes e calquera outra función
legalmente establecida en relación coa defensa e protección deles; así mesmo,
exercerá funcións relativas ao fomento e mellora da produción forestal e da
industrialización e comercialización de produtos de primeira
transformación da madeira.
2.1.1. Servizo de Xestión de
Montes, que se encargará da administración e xestión dos montes da Comunidade
Autónoma de Galicia, exercerá as funcións que legalmente procedan en relación cos de utilidade pública, os de
entidades locais e os das comunidades veciñais en man común ou de particulares
que sexan obxecto de consorcio ou de convenio; xestionará o catálogo de montes
de utilidade pública; realizará a planificación e execución das accións para o
control
da produción e
comercialización de sementes, plantas de viveiro e material vexetal forestal; e
o control e defensa contra as pragas e enfermidades forestais.
Artigo 13º
1. Adscríbense á Consellería
de Medio Ambiente os xurados provinciais de Montes Veciñais en Man Común. A
presidencia dos xurados será asumida polos respectivos delegados provinciais e
as secretarías por funcionarios designados polos presidentes.
2. Adscríbense á Consellería
de Medio Ambiente os comités provinciais de Montes. A Presidencia dos referidos comités será asumida polos respectivos
delegados provinciais da Consellería de Medio Ambiente e as secretarías por
funcionarios designados polos presidentes.