A última conferencia do seminario sobre o eucalipto
organizado pola APDR
será
o Martes 28 ás 20,30 na Galería Sargadelos.
A conferencia do Prof. Díaz Fierros versará sobre os efectos
dos incendios forestais nos solos e as consecuencias a nivel de erosión.
Francisco Díaz-Fierros Viqueira é Dr en Farmacia, Catedrático
de Edafoloxía e Química Agrícola da USC; foi Presidente da Sociedade Galega de
Historia Natural e na actualidade é Presidente da Xunta Rectora do Seminario de
Estudos Galegos e Vicepresidente do Consello da Cultura Galega.
É autor de numerosísimos traballos de investigación, director
de numerosas teses doctorais e entre outros libros ten publicado un recentemente
sobre "A cuestión ambiental en Galicia" (Edit. Galaxia, marzo 2006).
Pódese destacar o seu compromiso coa cultura galega e o seu
traballo tanto na Universidade como no Instituto de Investigacións
Agrobiolóxicas de Galiza (CSIC) de Santiago. Os seus eidos de traballo son os
aspectos fisico-químicos dos solos, a erosión dos solos, o estudo da
escorrentía, os efectos dos lumes sobre os solos, e ademáis todo o que ten que
ver cos aspectos do clima.