UNITEGA
Ctra. de
Cerdedelo Nº 41, Laza 32620 - OURENSE
ÓS MEDIOS DE COMUNICACIÓN
A
Unión de Tecores e Cazadores Galegos (UNITEGA), pon en coñecemento dos seus
asociados e simpatizantes a nosa participación no período de consulta e debate
previo á publicación das ordes que fará efectivas a Consellería do Medio
Ambiente e Desenvolvemento Sostible a traveso da Dirección Xeral de
Conservación da Natureza. As ordes ás que facemos referencia, e nas que
participamos para o seu debate coa administración competente e demais
asociacións de cazadores e estamentos implicados, son as seguintes:
·
Orde pola que se establecen e regulan axudas para a mellora
do hábitat da perdiz rubia.
·
Orde pola que se regula o réxime xurídico de aplicación ás explotacións
cinexéticas comerciais.
·
Orde pola que se regula o réxime xurídico dos terreos
cinexéticos deportivos.
·
Orde pola que se regula a titulación e o nomeamento do Garda
de Campo de Caza.
No
referente á Orde que regula as axudas para a mellora do hábitat da perdiz rubia
destacar o recoñecemento da obriga dos poderes públicos para garantir a
compatibilidade dos usos e actividades humanas coa conservación dos recursos
naturais, considerando por en marcha un programa de axudas que incentivando
actuacións racionais no medio natural, propicien a recuperación das poboacións
de perdiz rubia, dita orde é de aplicación ós Tecores, na medida en que se
realicen melloras na calidade do hábitat da perdiz rubia. Comprende o
acondicionamento de manchas e posterior sementeira con cereais de inverno,
incluíndo a subvención e acondicionamento de fontes e instalacións de
bebedoiros. Esta subvención contará cunha contía máxima por peticionario de
18.000 euros e que se corresponderá como máximo co 50% do investimento realizado.
Para optar a elas realizaranse inspeccións previas para comprobar que os
traballos non foron aínda realizados e deberán terse realizados os traballos e
xustificados antes do 15 de outubro deste ano. Os requisitos que deben cumprir
estas zonas obxecto de actuación son, posuír unha superficie mínima de
Pola
nosa parte, UNITEGA, participou a importancia de incluír como obxecto destas
axudas, polo seu caracter permanente e como complemento ás sementeiras de
cereal para o verán. En canto á porcentaxe prevista para a subvención UNITEGA
estima necesario contemplar tramos de porcentaxes superiores para que as
sociedades de menor presuposto, debido a un menor número de socios, onde poida
ser mais complicado a dotación presupostaria para este tipo de melloras,
séxalles mais doado o acceso ás mesmas. Tamén se realizou a consideración de
que non se dea prioridade a aqueles Tecores que non teñan recollido estas
operacións de melloras de hábitat no seu Plan de Ordenación, logo que por falta
de recursos ou descoñecemento non puideran facer esta previsión, constituíndo
pois, un agravio comparativo. Do mesmo xeito pediuse que non se obrigue á xustificación
do 100% do pagamento da inversión das actuacións previstas na data de remate
das actuacións propostas, logo que non se teña contemplado a recepción do
importe da axuda e obrigando ós Tecores a un financiamento extraordinario que
podería ser unha asfixia. En canto ó período de realización dos traballos
solicítase que se contemple a posibilidade de que en determinadas zonas a
execución dos traballos imposibiliten o emprego do cereal de inverno, poidan
realizar un aprazamento para a elaboración do compromiso adquirido.
Con
referencia á Orde que regule as explotacións cinexéticas comerciais, destacar
que se trata de definir explotacións cuia titularidade corresponda a persoas
físicas ou xurídicas, que se constitúan como empresas mercantís para o aproveitamento
regular e lucrativo de terreos con utilidade cinexética, mediante terreos
abertos ou cercados e coas extensións seguintes propostas, para caza menor,
mínimo 50 e máximo de
Os
prantexamentos de UNITEGA con respecto a esta orde foron os seguintes,
limitación exclusiva para este tipo de explotacións ás adicadas á caza menor,
logo que son as que se atopan en clara regresión e este tipo de explotacións
poden representar unha alternativa para absorber presión cinexética ós Tecores,
sendo pois, estas, asimilables ás zonas de caza permanente pero con
independencia dos Tecores. Ademais entendemos que carece de sentido con respecto
á caza maior, logo da situación real de danos na agricultura e na circulación
viaria. É necesario facer especial coidado en valoralo seu impacto sobre a
fauna e ecosistemas que bordeen estas
zonas, sendo necesario o cercado perimetral sempre que se trate da caza maior.
Compre tamén que este tipo de instalacións non limiten os usos tradicionais que
veñan facendo dos terreos afectados nin sexan asentados sobre espacios
protexidos de riqueza faunística e flora. Do mesmo xeito UNITEGA prantexa a
necesidade de incrementar a sinalización neste tipo de explotacións cando
carezan de cercado e propón a colocación de sinais mínimo a
Referente
á Orde relativa ós terreos cinexéticos deportivos, destacar que se tratan de
terreos específicos para a práctica da competición, na que se levarían a cabo
os certames oficiais de caza, que convoque a Federación Galega de Caza, ditos
terreos sométense ó réxime e funcionamento da normativa específica do deporte.
A tal efecto, poderán declarar a súa constitución, deste tipo de terreos, a
Federación Galega de Caza, Sociedades e Asociacións constituídas ó amparo da
lexislación deportiva, do mesmo xeito, deberán inscribirse no Rexistro de
Instalacións e Equipamentos Deportivos de Galicia. A actividade nestes recintos
queda limitada a competicións oficiais autorizadas pola Federación Galega de
Caza, debendo contar cunha superficie mínima de 50 e máxima de
Dende
o punto de vista da nosa organización, UNITEGA, presentáronse as seguintes
alegacións e valoracións. Entendemos que a caza non se pode considerar unha
actividade deportiva ou de competición, senón como un aproveitamento sostible
dos recursos naturais, ó mesmo tempo que defendemos a non dependencia da Lei do
Deporte nin das institucións que o representan. Realízase unha advertencia
sobre a necesidade de dotar a esta orde dun articulado que non permita a
creación de mini Tecores de particulares semellantes ás zonas de caza intensiva
e para evitar conflictos de interpretación, destaca nesta proposta que non
exista especificación sobre as especies que se vai practicala actividade da
competición nin contempla medidas relativas á mellora da sinalización, franxas
de seguridade, así como a necesidade de elaborar ou establecer un Plan de
Soltas ou de manexo destas zonas.
No
que se refire á Orde que regula a titulación e nomeamento de Gardas de Campo de
Caza, trátase de habilitala figura do Garda de Campo de Caza atendendo á
necesidade de dotar de servizos de vixilancia ós terreos cinexéticos, con
persoal propio, que no exercicio específico das tarefas de custodia dos
recursos naturais, outórgaselles o privilexio de consideración de axentes da
autoridade. Para a obtención deste título a Dirección Xeral de Conservación da
Natureza homologará centros ou institucións que impartan cursos formativos, que
deberán garantir unha duración non inferior a 60 horas lectivas, así como a
realización dunhas probas físicas. Con posterioridade á obtención do título,
son os titulares dos terreos sometidos a réxime cinexético especial quen
proporán á Dirección Xeral de Conservación da Natureza o seu nomeamento.
UNITEGA,
expuxo, a respecto desta orde relativa ós Gardas de Campo, a necesidade de que
esta figura complemente á do Garda Particular de Campo, regulado pola Lei de
Seguridade Privada, e ós efectos de que non se orixinen conflictos de
competencias estatais e autonómicas, que, finalmente rematan prexudicando ós
Tecores, quen en último caso temos imposta a obriga de contar con este tipo de
persoal. UNITEGA entende que na actualidade existe un número suficiente de
cargos e institucións das administracións encargadas da realización de labores
de vixilancia sobre o medio ambiente, entendendo pois, esta figura do Garda de
Campo, cunha visión e función máis propia e próxima á xestión cinexética. Dende
este punto de vista a formación destes Gardas de Caza, debería centrarse
fundamentalmente no desenvolvemento de traballos de xestión no acoutado e posta
en práctica dos Plans de Ordenación Cinexética. Destacar que se ben teñen a
consideración de axentes da autoridade, non se lles pode atribuír en ningún
caso, a presunción de veracidade á hora de realizar denuncias, logo que esta
presunción de veracidade só se lle pode predicar nas denuncias formuladas no
exercicio das súas funcións das persoas ligadas a administración pola vía do
estatuto da función pública que teñen consideración de axentes da autoridade.