Onte pola mañá estiven a falar cun comuneiro de Pazos que me contou a idea que teñen de cederen dúas hectáreas do monte pra que os nenos co colexio vaian conformando un bosco biodiverso. Serían árbores persoalizadas na medida na que cada un dos nenos e nenas levarían control da súa saúde, do medre da que lles é asignada en cada caso.

Coido que teñen un proiecto moi claro: facer bosco e, ó mesmo tempo, deixar parte do monte pró rendemento forestal i económico, que non tería de ser a base de eucaliptos. Eso, naturalmente halles levar tempo. Pero o feito de que vaian prantando carballos, liquidámbares, arces, acebos, tilos, oliveiras... faría posible outra paisaxe, é decir, unha idea coa que eu levo tempo loitando e que, como sabes, queda exposta nun traballo do 2000 que che enviei hai pouco, "Paisaxe e Cultura".

O home co que falei, naturalmente, conoce a vosa páxina. E, despois da conversa, quedei a baduar no sentido de se non sería bo servirlles, mesmo a través da vosa web, fotografías de paisaxes nas que se aprecie o valor do cromatismo que se dá en moitos lugares, propoñéndolles ás diversas comunidades e mancomunidades unha especie de concurso pra ver de cambia-la paisaxe de Galicia.

Por se a idea che parece boa, hoxe envíoche unha foto adxunta. Se ves que pode funcionar, enviareiche máis.

Un cordial saúdo, Xesús.

Leida máis de vagar a túa mensaxe, a idea seméllame excelente, ... o malo é que está páxina só está cargada de futuro.

O presente non é tan bó. As propostas de debate que propuxen ó encete do ano non tiveron apenas a acollida de respostas. Polos froitos sei que o que facemos só é unha potencialidade, unha semente.

De tódolos xeitos mañá amosarase a foto (se as fotos teñen título coido que mellor) e, por qué non, no sucesivo sairán tódalas que remeses.

Un saúdo: Celso