Fiscalidade das Comunidades de Montes

Non é o mesmo ser "Daniel Rodríguez Cebreiro, experto en fiscalidade da Asociación Forestal de Galicia" que Daniel Rodríguez Cebreiro, da Asociación Forestal de Galicia, experto en fiscalidade; por veces o subconscente afrora malas xogadas.

Vaia por diante que vai outra carta con falla de rigor, posto que o asinante, como tamén o que cita o experto en fiscalidade, non ten más título que ser comuneiro que traballa sen lucro polas nosas comunidades, non persoas que viven nos lombos delas.

Só podemos presumir, xa que non de ciencia, que falamos do que está a acontecer con total independencia, pois a nosa Organización só depende de si misma, das Comunidades, e non do humor caprichoso da Administración que da cartos a quen, como dixo publicamente un persoeiro voso, ten a "Habilidade" de acadalos ,..., que eu saiba só hai un xeito de atinxilos con esta Administración que temos (ou que nos ten): ser boíño.

Só enumerarei o que, ó meu ver, debe ter unha nova fiscalidade para as CMVMC: simplificación da contabilidade e da declaración e mínimo axeitado que estea esento de facela declaración e non o absurdo que está hoxe en vigor: "os cadavres non teñen que facela declaración".

No que se refire ó sofisma de que se evita a doble imposición é certo "tecnicamente" (non se pagan dos impostos pola mesma cousa pero si que se pagan dos impostos sucesivos, a parte dos comuneiros xa se lle aplicou o tipo de Imposto de Sociedades), mais tamén é certo que, en xeral e na situación actual, vaise para as arcas do estado, nas Comunidades que reparten que soen coincidir con zonas deprimidas e cuns niveis de renda que no acadan o 45% da renda europea, o 25% do montante a repartir, ¿entenden isto?, ¿é certo?, ¿non sería máis lóxico que o repartido, tipo 0% no imposto de Sociedades, formara parte da renda das persoas e éstas arrancharan as súas contas polo IRPF?, ... nestas derradeiras condicións, a discusión do tipo é o mesmo: se queren que poñan o 100%.

No Parlamento, diante das preguntas dos deputados, o goberno respostou que en cada unha das campaña inmediatamente pasadas declararon 263 Comunidades, das cales unha era de Ceuta, no sei cantas noutras rexións, de tal xeito que para nosa nación ficaban só unhas 200 Comunidades.

Como eu coñezo moitas Comunidades que declararon e que non perteñecen á Asociación Forestal de Galicia deduzo, con boa vontade, que da vosa Asociación declararían moitas menos, ... como sempre leo e oio esa coletilla de "máis de trescentas Comunidades de toda Galicia" e coidando que para perteñecer a vosa Asociación pagan a súa cota, e polo tanto por Lei terían que facer declaración , deduzo que tedes na vosa Asociación máis dun 80% de defraudadores á Facenda Pública... cando se anda pola vida de "farol", acontecen estas cousas.

O certo é que na elaboración da Lei non participaron representantes das Comunidades senón representantes de Organismos que viven (isto pode ser peiorativo ou lexítimo, a según) das Comunidades e que se fan cunha representación que non teñen. Se para acodir a unha simple subvención precísase acordo asembleario coido que para negociar unha Lei tería que ser parello.

Resumindo: o intento de meter as Comunidades no Imposto de Sociedades foi un fracaso declaran 200 de máis de 2.800, máis ou menos un 7%; só a soberbia e os cipaios manteñen a aberración ¿por qué Facenda non fai nada por poñer remate á inoperancia? ¿Estaríamos, neste intre, a falar de Fiscalidade se non existira a Organización Galega de CMVMC?

Estou dacordo que o debate ten que se realizar doutro xeito que una "carta ó director... pensen que se seguen polos mesmos vieiros acadaran doutra volta os mesmos resultados, ... hai que lexislar para a realidade.

Celso Milleiro Fariñas, Secretario da CMVMC de San Vicente de Nogueira

- Meis