Proposta de Actividades Micolóxicas para nenos e adultos.

Outono 2004

 

Pola experiencia vivida nestes dous últimos anos da gran demanda de actividades micolóxicas e a enorme aceptación coa que se reciben as nosas actividades, este ano queremos adiantarnos á época de outono e ofertarvos algunhas ideas de actividades posibles con nenos e adultos.

Pódense facer moitas cousas, con diversos orzamentos.

Dende Hifas da Terra agradecemos o derroche de ilusión có que nos veñen agasallando os organizadores de eventos dos distintos Concellos, Fundacións de Desenvolvemento Comarcal, Oficinas Agrarias e Asociacións, nós pomos o resto.

 

Estas son unhas ideas, polo demáis, todo é posible

 

A semán Micolóxica:

 

Consiste en catro días adicados a temáticas novas sobre o mundo da micoloxía, acompañada e ilustrada con presentacións proxectadas, prácticas de elaboración dun saquiño productor de cogumelos e o último día cun curso interactivo de cociña de cogumelos.

Temas:

Día 1º Introducción ó máxico mundo da micoloxía, xeralidades, consellos de apañado no monte, resposta a preguntas que interesan á xente como:

 

Día 2º  Os cogumelos como bioindicadores. Cómo nos contan os cogumelos coa súa presencia, que unha planta está enferma, unha carencia nutritiva, contaminación ambiental.  A utilización dos cogumelos como bioremediadores, (axentes absorbentes da contaminación dos solos).

 

Día 3º  Mellora a productividade micolóxica dos teus montes. A Micorrización. Esta conferencia sería sobre as distintas técnicas silvícolas a aplicar para mellorar a productividade dos montes en cogumelo e madeira e froito (no caso do castiñeiro). A micorrización como sistema de protección radical e equilibrio nas plantas de viveiro e de producción de cogumelos silvestres en planta adulta.

Cómo micorrizar a súa parcela e obter cogumelos silvestres no outono.

 

Día 4º O cultivo de cogumelos na casa. Aprenda a ter o seu propio cultivo de cogumelos na súa casa e coma seus cogumelos recén colleitados.

Cultivo no xardín de especies como a Zarrota (Macrolepiota procera) ou Coprinus comatus.

Facemos a práctica de facer un saquiño productor de cogumelos por discente que levarán para a casa.

A xornada da moito xogo de toma de contacto e relación entre os asistentes. Ademáis, o feito de levar un saquiño para a casa supón un recordatorio durante moito tempo da actividade, e de historias para contarse de cómo lles vai o “filliño” cada vez que se atopan. 

Esta é unha actividade con moi boa publicidade para o organizador das xornadas, xa que vai dar moito que falar.

5º Día  Cociña interactiva: “ Degustando cogumelos e castañas” 

Esta xornada adícase a achegar ós discentes ó mundo dos cogumelos dende outra perspectiva, degustándoos.

É unha xornada moi divertida na que a xente colabora activamente, elaboran os platos baixo as direccións que se lles van proporcionando. Os profesores somos os directores dunha deliciosa orquesta. 

O resultado é unha xornada alegre, de aprendizaxe, xuntanza e comilona a base duns ingredientes “recén descubertos” en moitos casos, e noutros xa máis experimentados, supón unha aportación de novas ideas.

Vai acompañada de explicacións do manexo dos cogumelos e de pequenos trucos na cociña.

 

Disporemos de cogumelos cultivados Plerotus ostreatus, P. citrinopileatus, Shii- Take Lentinus edodes, e atendendo a dispoñibilidade de cogumelo silvestre podemos utilizar distintas variedades de Boletus, Cantharellus, níscalo (Lactarius deliciosus)....

 

Para petiscar;

Shii – Take  á prancha

Pleurotus “petit” empanados

Revolto de cogumelos e ovo sobre unha nube de queixo

 

Para comer;

Solomillo de terneira bañado en salsa de Pleurotus con castaña

Shii-take con solomillo de boi

 

De postre;

Marmelo de Cantharellus cibarius

O remate da xornada se agasalla a cada participante cun recetario de cociña de cogumelos para que non teñan que andar tomando notas e podan estar “coas mans na masa”.

Esta xornada gastronómica con degustación precisa de tres a tres horas e media para a súa elaboración.

 

Para os lugares onde xa fixemos a Xornada de Cociña propomos:

 

1ª Xornada de Cociña. Introducción ó mundo da cociña micolóxica “Degustando Cogumelos ”

2ª Xornada de Cociña. Perfeccionando a cociña dos cogumelos, da castaña e dos froitos do bosque ”Degustando Cogumelos, Castañas e froitos de bosque”

 

Para petiscar:

Boletus confitado

Boletus crunch rociado de paté, sobre tostas

Rocas de castaña

 

Para comer:

Peituga de polo bañado en salsa de pleurotus, améndoa fina, noz e castaña acompañado con puré de mazá.

Terneira fina con cantharellus, mel e puré de castaña

 

De postre:

Tarta fría de queixo e chantarela.

 

 

3ª Xornada.  Concurso de cociña entre os participantes ás Xornadas

 

 “ Aporta as túas ideas, Cogumélanos ”

 

Estas son as frases que nos adican os amigos que imos facendo na nosa andaina profesional:

 

“Quixéramos ser cogumelos para que falarandes de nos có mesmo mimo có que o facedes destos outros seres vivos”            Ana.Organización do Centro Social. Casa Rosada. Concello de Poio

 

 

“Supón o verdadeiro despertar ó mundo da micoloxía”

                        Elsa. Xerente da Axencia de Desenvolvemento Comarcal de Chantada

 

“Es una pasada”

                        Ana. Organización do Centro Social. Casa do Peso. Concello de As Pontes

 

“Un éxito rotundo”

                        Susana. Organización do Centro Social. Casa do Peso. Concello de As Pontes

 

“Unha forma exquisita de cociñar cogumelos”

                        Josefina. Xerente da Axencia de Desenvolvemento Comarcal de Terra de Caldelas

 

“Es como un gol desde media cancha”

                        Ángel. Cociñeiro profesional. Encargado da Degustación popular na Feira de As Pontes 2004

 

 

 

Xogos para nenos “O bosque encantado”

O bosque encantado consiste nunha tarde de xogos relacionados co medio ambiente, no que o neno se introduce no papel dun animal do bosque encantado. Dende ese momento xurden os xogos, maquillaxe, elaboración de decorados, pinturas murais, figuriñas de barro, nun ambiente no que o monitor xes vai relatando cómo viven os fungos, porqué están ahí, qué función teñen, porqué non deben pisalos, nin comelos sen coñecelos....

Todos estes xogos son adaptados polos nosos monitores especializados a actividades relacionadas co outono e os froitos do bosque que podemos atopar nesta época. 

Son xogos nos que se fan actividades tanto de relación social como de natureza ou destreza. Buscamos sempre que os nenos sexan os protagonistas das súas actividades.

 

·         XOGOS DE PRESENTACIÓN: (de 20 a 30 minutos).

Son xogos destinados a que tódolos indivíduos do grupo nos coñezamos e aprendámolos nomes de tódolos participantes o antes posible. Cada un conta o que coñece no mundo dos cogumelos, as súas experiencias e elixe un personaxe.

 

·         TALLERES: * (de 30 a 60 minutos).

-          Aprendendo de micoloxía. Qué é un fungo?, porqué saen no monte?, qué comen?...

-          Cultiva os teus cogumelos; Fai un saquiño productor de cogumelos

-          manualidades micolóxicas,

-          maquillándonos como habitantes do bosque

-          aprende a  cociñar os teus primeiros cogumelos, (nós encargámonos do fogo).

Pretendemos que os participantes aprendan a traballar cun determinado material, outras formas de adquirir coñecementos; e todo isto, baixo un ambiente de distensión e en perfecta sintonía entre todo o grupo.

 

·         XOGOS  MOTORES: * (de 20 a 45 minutos).

-          O importante destes xogos é que os rapaces aprendan a traballar en grupo, compartindo diferentes problemas que entre todos terán que superar.

* XOGOS DE ECOSISTEMAS: * (de 45 a 90 minutos).

-          Perséguese un coñecemento máis profundo dos distintos ecosistemas máis típicos e característicos da localidade, seus cogumelos, seus costumes e das súas actividades cotiás máis habituáis. 


Outras posibilidades: GRANDES XOGOS:* (de 60 a 90 minutos).

-          Misión imposible.

-          Xogo dos pitufos.

-          Xogo do Kim.

-          Caza da princesa.

-          Rastreo.

-          Disfraces.

-          Xogos culturais, etc.

-          Con eles queremos acadar unha boa armonía entre tódolos participantes, sempre nun ambiente de cooperación e compañerismo. Todos eles son grandes xogos adaptados ó mundo da micoloxía para nenos.

 

·         JINKANAS:

-          Actividades que consisten en ir superando unha serie de probas, sempre en equipo dentro dun ambiente de distensión.

-          * (de 60 a 75 minutos)

 

 

 

Para poder dispor de datas reserve o seu día o antes posible

 

 

Un saúdo e moitas gracias       

     

      Asdo.

 

 

                                                                       Catalina Fernández de Ana Portela

                                                                                              Bióloga  Xerente de Hifas da Terra

 

 

 

 

Ante calquera pregunta non dubide en chamar, estaremos encantados de poder atenderlle

Teléfono de atención ó cliente  986861087