De:
Enviado: sábado, 19 de marzo de
2005 19:58
Para: Undisclosed-Recipient:;
Asunto: A manifestación pro Ence,
19.3.2005, pró LUNS 21.3.2005.do. Un cordial saúdo, Xesús. ESTE É O BO
A manifestación pro
Ence,
Por Xesús López
Fernández
Coido que somos moitos os que
non nos preocupamos da manifestación, que sabiamos que non se estaba a coida-lo
seu marketing máis alá da crispación predicada dende os sindicatos, mesmo dende
as presidencias de Aempe ou da Cámara de Comercio, sen autoridade moral sobre o
comercio, que non non apoiou as súas consignas e mesmo algún crítico solicitaba
antes da manifestación a dimisión de José María Rodríguez e a de Durán Couto. A
do primeiro por ter falado o home de cisma, de que uns estaban nesta cidade
polo progreso e outros polo atraso, que pra min significa esto último o feito
de mante-la fábrica en Lourizán no canto de recupera-lo espacio como Riazor ou
como se propón facer Vigo con Samil, algo que xa foi comentado. ¡Pero é que
ademáis, curiosamente, o presidente de Aempe enteraríase no curso do debate de
Localia de que Ence fora condenada por delito ecolóxico continuado!. Sentencia
do 4.11.2002. Pode consulta-lo sumario, como tamén pódeo facer o presidente da
Cámara de Comercio. A ver se dese xeito moderan máis o seu discurso e deixan de
facer apoloxía do incumprimento da Lei.
As noticias da manifestación
chegarían ó goberno galego, estos días en San Estevo de Ribas do Sil, todo el cercado por un enorme souto. E nese
ambiente falaban de que Galicia vai reduci-las emisiós que inciden no cambio
climático, que xa nos afecta, ou da riqueza do chan orgánico que se está a
mineralizar de forma imparable, antre outras cousas polo tipo de reforestación
que se predica dende a cátedra Ence, ou que promoven moitos dos nosos
politicos. Pero os gobernantes galegos teñen non lonxe de San Estevo un exemplo
de outro tipo de reforestación, en Esgos, onde, cando se comeza a sobida e
despois de deixar atrás un pequeno grupo de eucaliptos, comeza o espectáculo
conformado por alerces europeos, abetos Douglas (piñeiros de Oregón) picea
abbies y pinus pinaster. Esa é unha forma de poñer en valor un monte e debera
ser unha viaxe de estudio a promocionar polas mancomunidades de montes, se
queren que a súa madeira teña un mercado global ou potencie aquí a fabricación
de mobles, sen que nadie xogue con eles e convertan o país en miseria forestal.
Tornando ó tema da manifestación
retomo unhas palabras de Ángel Mario Lago, no sentido de que, aínda que fosen
15.000 os manifestados, na súa maioría eran de fóra de Pontevedra. El, sereamente, insisteu na
cuestión da ilegalidade da empresa e na defensa do dominio público marítimo
terrestre. Ese espacio, digamos, foi delimitado por decreto do 14.11.1996, polo
ministerio de Medio Ambiente do Partido Popular, algo que están a esqueceren
algús dos seus dirixentes que poden moi ben ser víctimas do encono das bases, como o foi José Luís Pedrosa a raiz da
manifestación do 5-J. A diferencia antre aquela demostración e a do 18 de marzo
está en que esta vez a cidadanía quedou maioritariamente na casa e foi a
triunfadora, porque os que saíron tra-las pancartas cabían nos autobuses que os
achegaron á capital. Estaba claro o fracaso da convocatoria coa posición da
Federación de Asociacións de Veciños Castelao, coa das Mancomunidades de Montes
de Pontevedra e Cotobade, coa das agrupaciós ecoloxistas e, sobre todo, coa
protesta das Cofradías da Ría, que están a impugnaren os recheos do porto que
querían levar ata Tambo ou pouco menos. Tamén queda como testimonio o de sete
profesores e científicos de
Forestales, contrario ó de Valero, que afirman que Ence apenas incide na
colocación laboral dos seus alumnos.... En fin, bombardeo propagandístico burdo,
estéril e multimilonario. ¿Cos cartos de quén?