Temos o raposo no galiñeiro
Tomás Fernández Couto, director xeral de montes da
Consellería de Medio Ambiente, tivo unha lucida intervención na última
reunión do Consejo Nacional de Bosques. Cando o grupo ecoloxista Adena
reclamou, a petición nosa, que no borrador da Lei de Montes estatal que
estaba en discusión, a referencia ó monte veciñal fora completada coa
expresión “de propiedade xermánica” como xeito de recoller a súa
singularidade, o representante da Xunta de Galicia negouse en redondo
alegando que “os montes veciñais galegos son privados e nada máis”.
Cando unha proposta tan obvia e inofensiva provoca unha reacción tan ridícula
e desaforada, haberá que estar en garda contra esta Lei de Montes estatal
que nos queren vender como beneficiosa e que pode ser auténtico veleno
para o monte veciñal.
