Curso de formación
sobre cooperativas na área de silvicultura e conservación do medio
Convidada pola Escola Politécnica Superior de Lugo, a
Organización Galega de Comunidades de Montes participou no “Curso de Formación
sobre Cooperativas na área de Silvicultura e Conservacion do Medio” que tivo
lugar na cidade de Lugo os pasados 11, 12 e 13 de decembro.
A intervención da ORGACCMM tivo lugar no modulo titulado
“O sector forestal na economía galega. A importancia das cooperativas para o
desenvolvemento rural”. Na súa intervención, o presidente dos comuneiros
salientou que a relación entre monte veciñal e cooperativas amosa dous
elementos comúns: o vencellamento coa economía social ou local e o
funcionamento democrático das súas estructuras sociais. Tamén resaltou outros
aspectos importantes, como son a identificación do monte veciñal como xerador
de rendas, a esixencia dunha planificación dos usos para o desenvolvemento do
monte, a xeración de emprego na
zona onde se asenta o monte e, xa que logo, a mellora da calidade de vida dos
veciños e veciñas co conseguinte apoio á fixación da poboación. Indicou que
os propios veciños e veciñas comuneiros poden ser socios/as das cooperativas e
que os rendementos económicos da súa actividade se invisten na propia comarca.