Revista informativa da Organización Galega de Comunidades de Montes. Ano 5 Número 6 Marzo 2003
Edita: Organización Galega de Comunidades de Montes Veciñais
en Man Común
Director: Xosé Carlos Morgade Martínez, responsable de
Comunicación Interna da Xunta Rectora.
Consello de Redacción:
Xosé A. Pereira Martínez, Xoán Collazo Pazó, David Díaz
Losada, Claudio Quintillán Vallejo, Cándido Garrido Ferreira, Margarita
Alonso Martínez
Organización Galega de Comunidades de Montes
Estrada Xeral de Valadares, 233
36314 Vigo (Pontevedra)
Tel. 986 46 70 53
Fax: 986 46 70 52
Revista O Común dos Veciños
Apartado 559
36080 Pontevedra
http://www.geocities.com/maocomun
correo electrónico: OGCMVMC@teleline.es
ISSN: 241/00
Depósito Legal: PO-241/00
Limiar
Mal
empezamos, señor Conselleiro
A marea negra do Prestige papou a Carlos del Álamo por ir de caza maior
mentres na súa consellería non sabían qué facer diante da maior catástrofe
ambiental de Galicia. Coas costas cheas de chapapote o preclaro preboste
cansouse de repetir que “non pasa nada”. Agora aproveitaron para
saldar con el vellas contas e mandárono a cazar a casa.
E xa temos novo conselleiro. Xosé Manuel Barreiro Fernandez, lugués,
catedrático universitario. Gustaríanos que o cambio de nome significara
un cambio de política no tocante ó monte veciñal en man común. Que por
fin se atendera como é debido ó monte consorciado e
conveniado,
que se acometera decididamente o problema dos deslindes, onde a Consellería
empezou con moita calma e poucas ganas, que se actuara decididamente
contra as apropiacións de monte veciñal por particulares, que os Xurados
Provinciais de Clasificación funcionaran ben e sen hostilidades cara ás
comunidades de montes, que se recoñecera o dano que o Imposto sobre
Sociedades fai ó monte veciñal, etc, etc. Gustaríanos pensar que por
fin a Administración galega está a favor do monte en man común.
Pero a ilusión durou pouco. A actitude impresentable da Consellería de Medio Ambiente diante do proxecto de Lei de Montes estatal, colaborando coa Administración central nun novo ataque ó monte veciñal galego, desbota calquera esperanza de cambio. O novo conselleiro parece proseguir na política de desprezo e abandono do monte veciñal, incumprindo claramente a lexislación vixente que o obriga a defendelo e tutelalo. Política sectaria, clientelar e perniciosa. Xa que logo, desde estas páxinas non temos outro remedio que denuncialo, facelo público e criticalo. Non nos esconderemos neste labor. Como tampouco teremos reparo en gabar os acertos que a Consellería teña no tocante ó monte veciñal e as comunidades de montes, que polo de agora foron ben poucos.