Organización Galega de Comunidades de Montes Veciñais en Man Común
|
|
Organización Galega de Comunidades de Montes Veciñais en Man Común |
|
Circular 1/2.005
ASEMBLEA XERAL ORDINARIA
ASEMBLEA XERAL EXTRAORDINARIA
XANTAR DE IRMANDADE
Ás Comunidades de Montes: "UNHA
FISCALIDADE AXEITADA Ó MONTE VECIÑAL É POSIBEL"
Estimado/a Presidente/a da Comunidade de Montes de ... :
ASEMBLEA XERAL ORDINARIA
Pola presente convocamosvos á Asemblea Xeral Ordinaria da Organización Galega de Comunidades de Montes Veciñais en Man Común (ORGACCMM), que terá lugar no AUDITORIO MUNICIPAL DE SANXENXO (Pontevedra) O SÁBADO, DÍA 5 DE MARZO DO 2.005, AS 10 HORAS DA MAÑÁN.
A Orde do día será a seguinte:
1)-- Lectura e aprobación do Acta anterior, se procede.
2)-- Altas e baixas no censo de Comunidades.
3)-- Informe de xestión do ano 2.004.
4)-- Balance económico do ano 2.004 e cuota para o ano 2.005.
5)-- Análise sobre a situación da Revista da Organización.
6)-- Información sobre a campaña contra o Imposto de Sociedades. (Ver ó remate desta convocatoria: "UNHA FISCALIDADE AXEITADA Ó MONTE VECIÑAL E POSIBEL")
7)-- Propostas e preguntas.
A continación celebrarase unha Asemblea Xeral Extraordinaria co seguinte e único punto no Orde do día:
1)-- Modificación se procede do Artigo 36-a dos Estatutos
"Artigo 36
1) Falecemento ou incapacidade de
obrar.
2) Perda da condición de comuneiro da
súa comunidade.
3) Renuncia voluntaria.
4) Remoción por Asemblea Xeral
extraordinaria.
Pola tarde, a partir das 1630 horas, realizarase unha visita a praia da Lanzada e a unha Aula de Interpretación da Natureza sita no monte veciñal.
Logo de sesión da mañán celebraremos un xantar de irmandade no Restaurante Ardora de Sanxenxo. O precio por persoa é de 30 Euros que debedes ingresar na conta da Organización:
2080 / 0072 / 70 / 0040006299 de CAIXANOVA (sucursal de Sabarís-Baiona)
Galicia a 7 de Febreiro do 2.005
O PRESIDENTE: Xosé Alfredo Pereira Martínez
Ás Comunidades de Montes: "UNHA FISCALIDADE AXEITADA Ó MONTE VECIÑAL É POSIBEL"
Dende o momento en que o Goberno Central (ano 1.999) meteu ás Comunidades de Montes no Imposto de Sociedades, a única entidade relacionada co monte veciñal que se manifestaba en contra desta imposición fiscal inaxeitada foi a Organización Galega de Comunidades de Montes (ORGACCMM). Dúas manifestacións en Santiago de Compostela e contínuas solicitudes ós partidos políticos galegos para que presentasen iniciativas parlamentarias para lograr unha fiscalidade adaída para o monte veciñal en man común, foi a nosa loita.
Con data 21 de Decembro do 2.004, a deputada do BNG no Congreso dos Deputados, a sra. Olaia Fernández, presentou unha moción para que os montes veciñais en man común deoixaran de ser suxetos pasivos do Imposto de Sociedades e para lograr unha fiscalidadem axeitada ao monte veciñal. Esta proposta foi transacionada por deputados do PSOE no sentido de que se instara ao Goberno Central a que perante o ano 2.005 entablara conversas coas entidades representativas das Comunidades de Montes coa fin de lograr unha fiscalidade acaída ós MVMC.
A proposta transacionada foi aprobada polo Congreso dos Deputados. Non cabe dúbida que ésta non é a solución definitiva para tampouco cabe dúbida que este acordo siñifica que se abre unha porta que nos conduza a acadar unha fiscalidade xusta para o MVMC.
Naide pode negar que esta pequena vitoria é o produto da loita que sen desánimo e dende 1.999 veñen levando a cabo moitas CMVMC agrupadas na nos Organización. Agora que poidemos estar ás portas de lograr unha fiscalidade acaída para o MVMC compre, se cadra, estar máis unidos que nunca.
O arranque para intensificar esta campaña para lograr unha fiscalidade xusta para o Monte Veciñal pode ser a Asemblea Xeral Ordinaria da ORGACCMM que terá lugar o día 5 de Marzo. Covidamos pois a participar na mesma.