MEMORIA DA WEB DA ORGANIZACIÓN GALEGA DE COMUNIDADES DE MONTES VECIÑAIS EN MAN COMÚN (ORGACCMM) Ó ENCETAREN O coarto ANO DA SÚA ANDAINA( www.orgaccmm.org )

1 de Xaneiro do 2.007 (menos os dados, o espiche é o mesmo de tódo-los anos pois pouco variouse na participación na nosa páxina)

    Vai a modo de crítica mais non é doado, por falla de perspectiva, criticarse un mesmo; é vital para nos que a crítica a fagan os usuarios.

    Diante de todos agradecer ós nosos patrocinadores a súa cooperación; sen eles non sería doado mante-los custos que ocasiona, serío bo ter un pequeno feixiño máis de patrocinadores para non pasa-las pequenas angurias actuais. GRACIAS!, e gracias a eles a independencia da páxina está aí.

    A páxina pretendía, e pretende, acadar canles de

información, (gracias ós xornais e revistas vaise enchendo este oco mais boto de menos información especialmente da universidade, da investigación e das propias Comunidades que poden ter unha páxina ó seu dispor. Coa boca pequena temos que dicir que a Organización xera menos información cas cousas que fai)

comunicación, ( as cousas aínda estan moi verdes nas Comunidades, aquí estamos para cando se veñan achegando ó medio)

 instrucción (esta banda é un pouco consecuencia da anterior pero tería que se iren preparando cousas)  e

debate ( propoño que todos os que teñen comunicación connosco enceten ou participen en debates coa pretensión de acadar acordos ou, o que non estaría mal, definir o estado da cuestión que se debata).

        TODOS, especialmente as Comunidades e os nosos correspondentes, deberades ter máis participación. Os máis sabios tedes unha responsabilidade especial: os técnicos e profesionais sabedes que este mundo do forestal e moi mesto para a verdade, ... este homildoso medio quere contribuir á que a claridade se difunda. Neste mundo espallado, por rural e montesío, a Administración debera ter o seu papel para promover o uso deste medio nos canles de que falabamos.

        Para mín se algo ten a páxina e VONTADE, tódolo demáis é carencia: non somos especialistas en webs e a comunicación que damos é a que atopamos, ... tanto no técnico como no do contido quixéramos e estamos á espera da vosa axuda e consellos.

        Encol da información que damos non quíxeramos ser sectarios (sen crítica non é doado acadalo), cecais a única censura que se ten ó dar novas é non por as de autobombo dos bandullos agradecidos. Algunhas veces póñense algunhas desa fasquía mais é como unha homenaxe irónica á intelixencia dos nosos correspondentes e para plasmaren a caradura dalgúns.

        No seu día solicitamos unha SUBVENCIÓN (pidímola sabendo que nona iban a dar, pídimola como de coña para que viran o que tiñamos: se precisa máis categoría moral para darnos unha subvención). Máis que querer unha subvención temos medo a que nola dean pois o camiño da venda todo é comezalo.

Visualizaciones de página por año - Más reciente al principio.

c o n s u l t a s

2004	4665
2005	8059
2006	11109
Total	23833

        No ano tivemos 11.109 consultas na web. Iso siñifica 30,44 consultas ó día. O medre con relación ó ano 2.005 foi dun 37,85%. Dado que, como pódese ver no cadro que vai a seguir, o promedio do crecemento é contínuo agardamos mellorar os resultados nest 2.007 Para ser unha cousa do Monte GALEGO para as Comunidades de Montes coido, que é esperanzador.

Visualizaciones de página por mes

consultas por mes

        Relacionada coa páxina está o servicio de novas ou o do D.O.G.  A cotío envíanse a 602 correspondentes agrupados en 17 grupos de correo electrónico. Eses correspondentes van de Comunidades de Montes a Profesionais, de Concellos a Universidades pasando por Empresarios, Casas galegas do Exterior, Grupos de desenvolvemento rural e outros. Como cousa curiosa pode verse o seguinte cadro da procedencia dos nosos consultantes:

País de origem

1.	España	22198	92.8 %
2.	Estados Unidos	221	0.9 %
3.	Argentina	143	0.6 %
4.	Portugal	113	0.5 %
5.	Venezuela	105	0.4 %
6.	Brasil	97	0.4 %
7.	México	78	0.3 %
8.	Suiza	71	0.3 %
9.	Francia	57	0.2 %
10.	Países Bajos	47	0.2 %
	Desconocido	468	2.0 %
	El resto	320	1.3 %
	Total	23918	100.0 %

        Na nosa Base de Dados temos 3.190 Comunidades de Montes distribuidas por Provincias como se ve a seguir:

CMVMC por PROVINCIAS
provincia	A Coruña	Lugo	Ourense	Pontevedra
A Coruña	297
Lugo		952
Ourense			1200
Pontevedra				741
CMVMC con actividade detectada por PROVINCIAS 2.004/2.005/2.006
provincia	A Coruña	Lugo	Ourense	Pontevedra	% da provincia
A Coruña	143/164/175				50%/56%/59%
Lugo		260/294/372			27%/31%/39%
Ourense			339/358/489		30%/32%/41%
Pontevedra				367/389/470	54%/57%/63%

A Actividade medímola pola súa pertenencia á Organización ou a unha Mancomunidade, asistenza a actos, ter e-mail, saír nunha nova de xornal ou no D.O.G.. Este derradeiro medio é fundamental para detectar actividade en Lugo ou en Ourense.

subWEWs de CMVMC na nosa páxina por PROVINCIAS 2.004/2.005/2.006
provincia	A Coruña	Lugo	Ourense	Pontevedra	% da provincia
A Coruña	72/99/121				25%/34%/41%
Lugo		82/108/168			9%/11%/18%
Ourense			68/82/152		6%/7%/13%
Pontevedra				231/269/316	34%/40%/43%

Cando detectamos algunha nova referente a unha Comunidade abrímoslle unha web dentro da propia da Organización e temos as que se reflictan no cadro anterior.

O dito, estas liñas so queren provocaren resposta, resposta que precisamos. A páxina a máis desto está ó voso dispor. Xa sabedes: Tódolo que queirades a cmilleiro@telefonica.net .

Saúde e deica, ogallá, o ano que ven.