Hora de Saída: 11 : 30
Percorrido: Rúa do Horreo - Rúa do Franco - Praza da Quintana
Lembra: Este sábado 22 de setembro
NOTA DE PRENSA
NOTA DE PRENSA PARA A MANIFESTACION EN SANTIAGO: A ORGAGCCMM fai unha chamada
a tódo-los comuneiros e comuneiras de Galicia para que participen, este Sábado,
ás 11: 30 h. na manifestación convocada en Santiago de Compostela, contra da
aplicación do Imposto de Sociedades o monte Veciñal en Man Común. A
manifestación sairá da estación de tren e recorrerá as ruas ata a Praza da
Quintana. Un tema que afecta a máis de 600.000 Has. do noso territorio creemos que é
o suficientemente grave para que a "opinión pública" lle adique un
pouco do seu tempo; algo que ocurre, somentes, cando se trata de falar de
incendios forestais; por parte duns para decir o mal que foi a campaña de
incendios e por parte dos outros para glorificala. Asdo:
Despois dun ano de aplicación, por parte do Goberno Central e co beneplácito
do Autonómico e dalgunhas organizacións do sector forestal, as teses da
ORGACCMM resultaron, desgraciadamente, certas. A día de hoxe estamos esperando,
por parte dos defensores deste imposto, que dean conta das supostas melloras
que, decían, representaba para o monte, e para a facenda pública, esta
chapuza.
Insistimos, 600.000 Has. do noso territorio son un recurso ó que se lle debería
prestar máis atención, sobre todo, nun Pais como o noso onde parece que, por
uns motivos ou outros, non abundan.
Os comuneiros e comuneiras que o vindeiro sábado nos imos manifestar en
Compostela sabemos da importancia dos nosos montes. So falta que os demais lla
dean tamén.
Organización Galega de Comunidades
de Montes Veciñais en Man Común.
Tlf: 649.137.135.
