REUNIÓN DE VALENÇA

 

RESUME DO TRATADO

 

1 – Información sobre a entrega da Candidatura en París.

-         RELATO BREVE DO PROCESO DA CANDIDATURA 

·        Xénese: Setembro 2001.Preparación da VIII edición de PNO dedicada ao Patrimonio Inmaterial,coincidindo coa primeira proclamación.

·        Contactos periódicos coa división de Patrimonio Inmaterial da UNESCO.

·        Elaboración dunha primeira proposta escrita.

·        VIII-IX-X edicións de Ponte...nas ondas! dedicadas ao patrimonio inmaterial común.

·        Tres festivais da oralidade galego-portuguesa

·        Contactos con diversas institucións e organismos de Galicia e do Norte de Portugal, seguindo as directrices da UNESCO de transmitir desde a sociedade civil ás institucións o interese pola defensa e preservación deste patrimonio.

·        Tres reunións preliminares para constituír a Comisión Promotora

      ( Vigo,Viana , Vigo ).

·        Xestións en Madrid e Lisboa para conseguir a presentación da candidatura para a 3ª proclamación.

·        Elaboración do dosier definitivo por parte do Consello da Cultura Galega e o Departamento de Antropoloxía Aplicada da Universidade Fernando Pessoa do Porto, baixo a supervisión dos profesores Xosé Manuel González Reboredo e Álvaro Campelo.

·        Presentación do dosier na sede da UNESCO en París por parte dunha representación galego-portuguesa, acompañados polas delegacións permanentes de Portugal e España.

-         ACTO DE ENTREGA NA UNESCO

·        Tanto os representantes dos dous estados como por parte dos representantes da UNESCO destacaron o traballo que había detrás da iniciativa.

·        A UNESCO valora esta candidatura especialmente por ser a única promovida por centros educativos con presencia das escolas da súa rede internacional.

·        O papel da educación na transmisión do Patrimonio Inmaterial, destacado na nova Convención elaborada pola UNESCO, fai que esta candidatura constitúa un modelo exemplar na súa perspectiva.

-         INFORMACIÓN CONFIDENCIAL

·        Dánse a coñecer algunhas informacións que telefónicamente foron transmitíndose desde a División de Patrimonio Inmaterial da UNESCO en relación con esta candidatura

 

2 – Constitución da Comisión de Acompañamento da Candidatura.

   A proposta é constituír unha executiva que se encargue da xestión directa de todo o proceso. Cada membro será o encargado de transmitir as decisións aos seus ámbitos. Quédase en concretar os nomes en próximas datas.

A proposta presentada é valorada  e quedou aceptada a súa formulación como segue:

-         COMISIÓN EXECUTIVA ( Con nomes e enderezos para enviar á UNESCO )

·        Comunidade de Traballo – 1 representante

·        Xunta de Galicia-1 representante

·        Governo de Portugal-1 representante

·        CEER ( Centro de Estudos da Eurorrexión – 6 Universidades )- 1 representante

·        FEGAMP / Concelhos de Portugal-1 representante

·        Consello da Cultura Galega / DRCN-Ministerio Cultura-1 representante

·        Asociacións-PNO-1 representante

 

3 – Plan de accións a desenvolver até a Proclamación, no ámbito da

       divulgación e da dinamización.

 Propoñense unha serie de accións a título orientativo. Debátense e xorden novas propostas. Quédase en que cada organismo as valore e comunique que tipo de actividades vai realizar, antes do Congreso de Patrimonio Inmaterial de Pontevedra ( como data de referencia proponse até o dia 26 de novembro )

 

 

 

 

 

 

 

 

ACCIÓNS E AXENTES

1º. Campaña de divulgación da Candidatura nos medios de comunicación ( públicos )

Axentes: Consellería de Cultura / Ministerio de Cultura. Outros...

2º. Campaña de divulgación deste patrimonio asociado á Candidatura en medios de comunicación privados.

Axentes: Entidades financeiras promotoras da Candidatura; Institucións, Outros...

3º. Exposición itinerante sobre este patrimonio contemplado na candidatura

Axentes: Museo do Pobo Galego,Consello da Cultura Galega,
 Consellería de Cultura, Consello da Cultura Galega, DRCN, Museus portugueses

 

4º. Campaña de información aos centros educativos da candidatura, con vistas á introdución nos plans de centro do Patrimonio Inmaterial como unha riqueza a preservar e a transmitir.

Axentes: Consellería de Educación / DREN / PNO

5º. Campañas de proxección e divulgación do patrimonio galego-portugués no exterior. Comunidades emigrantes e accións desde as embaixadas de Portugal e España .

Axentes: Consellería de Emigración, Ministerios Asuntos Exteriores, Axencia Galega do Exterior

6º. Localización e identificación dos portadores do patrimonio oral e inmaterial con  vistas á visita dos observadores da UNESCO.

Axentes: Redes de Museos de Galicia e Norte de Portugal, Associam, entidades académicas colaboradoras.

7º. Colaboracións

-Entidades colaboradoras : uso do logotipo na súa imaxe corporativa, distribución de folletos divulgativos da candidatura

Exemplos: Escolas promotoras, concellos promotores, facultades promotoras, empresas promotoras ( turismo rural, ), etc.

8º. Actividades varias:

a) Publicacións ( Universidades, Deputacións, Consello da Cultura Galega, Museos, etc. )

b) Estudios compartidos e comparativos de carácter inmediato onde se manifesten as semellanzas nas diversas manifestacións culturais.

c) Festivais e certames. Patrocinio de entidades financeiras.

d) Encontros sectoriais do patrimonio común: Comunidades de Montes, Cultura marítima, Música tradicional, danzas, cantos ao desafío, oficios, etc.

Axentes: Comunidades de Montes, Federación Galega pola Cultura Marítima , etc.

e) Encontro galego-portugués do Patrimonio Común. Trataríase dun evento con formato de “feira-mostra” onde se desen cita os “portadores” deste patrimonio desde os diversos sectores.

Axentes: Comisión Executiva + Patrocinadores

f) XI edición de Ponte...nas ondas !

Axentes: PNO+ Escolas asociadas á UNESCO

g) IV Mostra da Oralidade Galego-Portuguesa

Axentes: Unha câmara de Portugal

h) Encontros das Escolas Asociadas á UNESCO de Galicia (Santiago-febreiro 2005) e de España ( Pontevedra - xullo 2005 )

Axentes: Rede PEA-UNESCO

i) Incorporación da marca de identidade da Candidatura en todas as manifestacións do patrimonio inmaterial

Axentes: Fegamp,Agader, Rtam, Turgalicia, DRAEDM

9. ACTIVIDADE A REALIZAR NO PARLAMENTO EUROPEO EN BRUXELAS

Obxectivos:

-Sensibilizar aos organismos europeos de que esta é unha candidatura europea multinacional.

-Transmitir aos colectivos galegos e portugueses na diáspora europea o sentimento de autoestima e identificación co seu patrimonio a través desta candidatura

-Visibilizar o traballo co patrimonio inmaterial realizado polos centros educativos das dúas comunidades.

Axentes: PNO, Consellerías de Educación e Emigración, DREN, lobby galego-portugués no Parlamento Europeo, Colectivos de Emigrantes galegos e portugueses.

 

4 – Plan de accións a desenvolver a partir da Proclamación. Participación das

       diferentes Institucións e Organizacións.

-         Dáse a coñecer o PLAN DE ACCIÓN que aparece no dosier da candidatura e que foi elaborado con certa urxencia.

Trátase de que antes de fin de ano poidamos enviar á UNESCO unha mellora sustancial deste PLAN DE ACCIÓN xa que este é un factor importante nas candidaturas. Habería que desenvolver máis cada unha das accións que aparecen, revisar os orzamentos e engadir algunhas novas propostas.

ENVIAREMOS ESTE PLAN EN PRÓXIMAS DATAS PARA NON CREAR CONFUSIÓN CON ESTAS ACCIÓNS PREVIAS Á PROCLAMACIÓN.

5 – Presentación pública da Candidatura a realizar no Porto.

 Debátese sobre a súa urxencia debido á pouca presencia pública da candidatura en Portugal. Tal como estaba acordado coa Coumnidade de Tarbalho de Portugal, é dificil poder facelo antes de fin de ano. En todo caso intentarase xestionalo e queda a Comunidade de Traballo encargada.

 

 

6 – Informacións diversas.

 

-         Unha breve selección de ideas de marketing para divulgar a Candidatura a partir do logotipo.