M A N C O
M U N I D A D E DE MVMC N O R O E S T E
DE P O N T E V E D R A
(XUNTA
RECTORA)
O
Salnés-Castrove, a 25 de Outubro do 2.002
Despois de ter sopesado as informacións dos xornais, xuntanzas coas
“dúas Rectoras”, posicionamento da Organización Galega de CMVMC, xestións na
Delegación de Medio Ambiente e asesoramento xurídico chegamos as seguintes
CONCLUSIÓNS:
1ª.- A Mancomunidade, estaturiamente, non pode entrar na vida interna
das CMVMC. Á solicitude de ámbalas dúas partes podería levar adiante un
arbitraxe de forzoso cumplimento agás se a Asemblea da Comunidade manifesta a
súa vontade contraria.
2ª.- A Delegación en resposta a unha cuestión prantexada pola
Mancomunidade respostou: “Na sección Rexistro de MVMC da Delegación
Provincial de Medio Ambiente de Pontevedra, consta a data de hoxe que dita
CMVMC ten dúas Xuntas Rectoras, encabezadas por D. Manuel Ochoa Pérez e D. José
Luis Vidal Castro.”
3ª.-
A Conselleria de Medio Ambiente, pola Lei de MVMC e mailo seu Regulamento, non
ten facultades para resolveren o conflito, ÓS EFECTOS QUE NOS INTERESAN É UN
MERO REXISTRO. Ainda que cousa algunha se opoña a unha mediación.
4ª.-
Dado o que está a acontecer, esta Mancomunidade non acepta ningún troco de
representación que non veña avaliado polas formalidades normais dunha
transmisión de Rectoras.
5ª.-
Consideramos que o mellor xeito de arranchalas cousas é o diálogo e a
negociación.
6ª.-
De non se ter saída polo dito na conclusión 5ª, son os Tribunais de Xustiza os
únicos que poden resolvermolo conflito.
7ª.-
Na primeira Asemblea da Mancomunidade que se celebre se informará deste asunto
e máis destas conclusións e sairá a postura “definitiva” da Mancomunidade.
Esta
Mancomunidade
LAMENTA
Que unha Comunidade como a de San Vicente do Grove (que tanto se ten distinguido na solidaridade cos problemas que asulagan ás CMVMC de Galicia e que, por outra banda, tanto ten loitado polo mantemento do seu Monte Veciñal fronte ós anceios chuchantes de moitos, públicos e privados (comuneiros e non comuneiros)), se atope nesta situación.
No nome da Xunta Rectora, o Presidente:
-Celso Milleiro Fariñas-