CAPITULO 1: DISPOSICIONS XERAIS

     ARTIGO 1.- O amparo do que dí o punto 3 do Art. 15 da Lei 13/­89, constitúese a Mancomunidade de M.V.M.C "Noroeste de Pontevedra" co fin xeral da defensa e me­llora dos Montes Veci­ñais en Man Común nas suas funcións tradi­cionais: a produc­tiva, a eco­lóxica e a so­cial. As nor­mas que se esta­blecen nes­tes Estatutos inspí­ran­se na Lexislación actual e nas expe­riencias acadadas ó traverso dos de­rra­deiros anos polas Comunidades e outras Man­comunidades.

     ARTIGO 2.- Son obxetivos da Mancomunidade:

         - A búsqueda de canles de información e o asesoramento lexislativo, económico, fis­cal, admi­nistra­tivo, cultural, técnico e xurídi­co.

         - O intercambio de experiencias que leve ó enriquecemento dos co­ñece­mentos da xestión das Comunida­des.

         - O fomento dun sentimento da apoio e solidaridade entre as Comunida­des.

         - A promoción de plans de desenrolo global dos Montes Man­comu­na­dos e posible coordinación de traba­llos nos Montes.

         - A prevención e loita mancomunada contra incendios fores­tais, pragas e enfermidades.

         - A merca de material de calquera tipo, ben sexa porque a sua ad­qui­sición mancomunada mellore o custo ou porque o seu uso man­comunado mi­llore os rendementos. Na compra de maquinaria terase a obriga de facer un plan de traballo da mesma, como tamén ter en con­ta o seu mantemento e gar­da.

         - Representar a todos e cada un dos seus membros ante as Admi­nis­tra­cións Públicas, Institucións, empresas e, en xeral, cal­quera persoa fí­sica ou xurídica. A es­tos efectos darase a persoa ou persoas que a re­pre­sen­ten o poder bastante tal como regu­la o Art. 47 do Decreto 260/­1.992.

         - Calquera outra actuación, no campo público o privado, que den­tro das pecu­liaridades de acción das Comunidades de Montes integradas na Man­co­munidade, poida resul­tar axeitada para o cumpri­mento dos seus fins.

          - A Mancomunidade poderá asociarse a diferentes niveis para che­gar máis doadamente a consecución dos seus fins.

         - A axuda a outros para constituirse en Comunidade ou Man­comu­nidade.

     ARTIGO 3.- A Mancomunidade velará para que as Administracións cum­pran cos compro­misos que lles sinala a Lexislación vixente en cada mo­mento. Demandará da Administración a participación naquelas decisións que teñan que ver, dalgun xeito, cos Montes Veciñais en Man Común.

CAPITULO 2: DOS MEMBROS DA MANCOMUNIDADE

     ARTIGO 4.- Poden ser membros da Mancomunidade todalas Comunida­des que se atopen nos Concellos de Pontevedra (só a Parroquia de Campaño), Barro, Portas, Caldas de Reis, Catoira, Vila­garcía, Meis, Vilanova, Riba­dumia, Meaño, Poio, San­xenxo, A Illa da Arousa, Camba­dos e O Grove.

     Teñen que ser Comu­ni­dades legalmente cons­tituidas i estar auto­riza­das para se mancomu­nar polas suas Asam­bleas Xerais. Nun primeiro momento éntrase na Manco­munidade por acordo da Xunta Rectora da Co­munidade. Este acordo da Rectora deberá ser ratificado antes de nove meses pola Asemblea da Comunidade.

     As Comunidades que estean en proceso de legalización poderán asistir as Xuntanzas da Mancomunidade con voz máis sen voto. A Man­comunidade apoiará diante dos Orga­nismos competentes a máis rápida legalización desas Comunida­des. 

     ARTIGO 5.- As Comunidades mancomunadas manterán o seu funciona­mento interno con independencia.

     ARTIGO 6.- A condición de membro da Mancomunidade pérdese por:

         - Renuncia voluntaria

         - Desaparición de Comunidade.

         - Incumprimento do sinalado nos Estatutos.

         - Incumprimento dos acordos tomados pola Xunta Rectora da Man­comunida­de ou nas Asembleas da mesma.

         - Rexeitar unha reforma dos Estatutos que teñan aprobado a ma­io­ría das Comu­nidades.

     Nestos tres derradeiros casos ten que ser adoptada a decisión  nunha Asem­blea Xeral por unha maioría de dous tercios dos seus mem­bros.

     A perda de calidade de Comunidade mancomunada non da derei­to a devo­lu­ción das cotas achegadas nen a ningunha compensación polos bens que a Mancomunidade posua.

     Namentras non sexa firme a perda da condición de membro da Man­comu­ni­dade manterá dita condición.

     ARTIGO 7.- Son dereitos das Comunidades mancomunadas:

         - Voz e voto na Asemblea da Mancomunidade.

         - Participar na administración, control e goberno da Man­comuni­da­de.

         - Recibir información de tódalas actividades da Mancomuni­dade e das disposi­cións de carácter legal relacionadas coas Comuni­dades.

         - Impugna-los acordos da Xunta Rectora da Mancomunidade.

         - Dirixirse cando o coide oportuno á Xunta Rectora da Man­comu­nidade.

         - Ter asesoramento sobor do procedemento de solicitude e trami­ta­cións de subven­cións e nas relacións coa administración.

         - Presentar candidatos ós postos da Mancomunidade.

         - Facer diante da Xunta Rectora da Mancomunidade pro­posta de nomeamen­to de mem­bros colabo­radores da Mancomunidade entre aque­las per­soas físicas ou xu­rí­dicas­ que coa sua expe­riencia ou valía podan contri­buir ó cumpri­mento dos fins expostos nestes Estatutos. Os membros colabo­ra­dores ostentarán o seu cargo de xeito honorífico, aconse­llando a Xunta Rectora da Mancomunidade naquelas cues­tións da sua com­petencia. Non terán dereito ó voto.

     ARTIGO 8.- As obrigas das Comunidades mancomunadas son:

         - Cumpri-lo establecido nos presentes Estatutos e nos a­cordos da Asem­blea e da Xunta Rectora da Mancomunidade.

         - Aportar nos prazos que se fixen as cotas para o funcio­na­men­to da Mancomu­nidade.

         - Asistir a cantas xuntanzas sexa requerido.

CAPITULO 3: DISTRIBUCION DE CARGAS

     ARTIGO 9.- Nos orzamentos anuais fixa­rase a cota anual. As Co­muni­da­des que se incorporen deberán aboar a cota anual vixente.

     ARTIGO 10.- A Asemblea da Mancomunidade poderá dispensar de aboar a cota a Co­muni­dade na que concurran especiais circunstancias.

     ARTIGO 11.- No caso de que se acorde en Asemblea un Orzamento Ex­traordi­na­rio, a dis­tribución de cargas fixarase no mesmo, sen per­xuicio do sina­lado no Artigo anterior.

CAPITULO 4: DOS ORGANOS DE GOBERNO DA MANCOMUNIDADE

     ARTIGO 12.- Os órganos de goberno da Mancomunidade son:

         -A Asemblea Xeral da Mancomunidade

         -A Xunta Recto­ra da Manco­mu­nidade­.

     ARTIGO 13.- A Asemblea Xeral da Mancomunidade é o órgano supre­mo da mesma e estará presidida polo Presidente da Xunta Rectora. Está composta por todolos mem­bros da Manco­munidade. O quorum para celabrala Asemblea na súa primei­ra convocato­ria é do 50% dos seus membros. No caso de non obterse o quorum anterior, celebra­rase en segunda convoca­to­ria, duas horas despois, e sendo suficiente a asis­tencia do 25% dos mem­bros. Poden asis­tir a ela calquera membro das Comunidades que a forman con voz mais sen vo­to. Poderá limitarse o número de asistentes en función do aforo dos locais nos que se cele­bren as Xuntanzas. Por cada Co­muni­dade man­comu­nada, só poderá votar o que e­xerza como represen­tante da Co­muni­da­de. As Comunida­des pode­rán nomear como seu represen­tante ó doutra Comu­ni­dade mais un repre­sen­tante só pode­rá ter unha delegación. E respon­sabili­dade do repre­sentan­te delegado cum­prir coas instruccións que teña da Co­munidade que lle deu a delegación.

     ARTIGO 14.- Os acordos da Asemblea Xeral serán tomados por ma­ioría simple e afec­tan a todolos seus membros. Non embargantes, res­pectarase as opinións da mino­ría sempre que non entorpezan a marcha da Mancomunidade. Tamén respectarase a discrepancia pública. Nos acordos que teñan que ver coa modificación dos Estatutos observaran­se as maiorías que sinala o Regulamento vixente.

     ARTIGO 15.- A Asemblea Xeral xuntarase duas veces ó ano, coin­cidin­do, a primeira, co primer trimestre do ano para rendelas contas do ano anterior e, a segunda, no derra­deiro trimestre co fín de de­bater e apro­bar os Proxectos e Presu­postos do ano seguinte.

     ARTIGO 16.- As convocatorias para as Asembleas Xerais, tanto de ca­racter ordinario coma extraordinario, serán feitas polo Presidente da Xunta Rectora da Mancomunidade mediante escrito que extenderá o Secreta­rio con 15 días de antela­ción. Na comunicación da mesma terá que iren expresada a data, o lugar e a hora na que se celebre a A­semblea Xeral, seu caracter de ordinaria ou extraordinaria, e o orde do día dos temas a tratar.

     ARTIGO 17.- Unho dos puntos do orde do día en todalas Asembleas será a con­sulta, na propia Asemblea, ós representantes de se houbera algun asun­to que pola trascen­dencia ou urxencia fora preci­so incluir a debate ou deci­sión na Asemblea. A Asemblea decidirá sobor da per­ti­nencia ou non da inclusión efectiva dese asunto no orde do dia.

     ARTIGO 18.- A Asemblea Xeral extraordinaria poderá convocala o Pre­sidente por razóns de necesidade ou cando sexa solicitada por, como míni­mo, tres Comunida­des. Neste derradeiro caso, o Presidente ten a obriga de convocala para que se celebre antes dun mes de ter recibido a solicitude. En ambolos dous casos terá que existir un orde do día.

     ARTIGO 19.- Dos resultados das Asembleas levantarase a corres­ponden­te acta polo Secretario. Deberán constar as decisións da maio­ría, expre­sando o número de votos. Asi­mesmo figurará tamén a opinión da minoría. As actas aproba­ranse na Asem­blea máis próxi­ma, por cues­tión de prazos, en que poda facerse.

     ARTIGO 20.- Unha copia do borrador da acta enviarase as Comuni­dades membro no prazo maxímo de un mes despois da celebración da Asemblea. As Comunidades dis­poran dou­tro mes para expoñer súas obxe­cións ou propoñela corrección de erros. No caso de que houbera modi­ficacións na acta aproba­da en Asemblea en re­lación co borrador en­viado tería que enviarselle ás Comunidades copia da acta aprobada.

     ARTIGO 21.- Son competencias das Asembleas Xerais:

         -A elección da Xunta Rectora da Mancomunidade.

         -A aceptación de novos membros da Mancomunidade.

         -A aprobación e reforma dos Estatutos.

         -A fixación tanto das cotas anuais coma as de caracter extraor­dinario.

         -A aprobacion das contas anuais, presupostos anuais e ex­traor­dinarios e os Proxectos da Mancomunida­de.

         -Dirimir nos desacordos entre varias Comunidades membros sempre e cando a súa actuación sexa aproba­da por todalas Comunidades en conflic­to.

         -Aprobar as posibles federacións ou unións con outras Man­comu­nidades.

     ARTIGO 22.- A Xunta Rectora da Mancomunidade é o seu órgano de admi­nistra­ción e xes­tión. Seus cargos son honoríficos; a Mancomuni­dade, so­mentes, sufragará os gastos que lles ocasione a súa xestión. Dunha mesma Comunidade non poderán existir máis de dous membros na Xunta Rectora.

     ARTIGO 23.- Déixase de ser membro da Xunta Rectora da Mancomu­ni­dade nos se­guin­tes casos:

         - Por morte ou incapacidade.

         - Por renuncia voluntaria.

         - Por perde-la calidade de veciño comuneiro na Comunidade que o no­meou.

         - Por perde-la sua Comunidade a calidade de membro da Man­comu­ni­dade.

         - Por decisión da Xunta Rectora da Comunidade a que perte­ñeza.

         - Por incumplimento das súas obrigas coma Xunteiro. Neste caso ten que ser aprobada a baixa en Asemblea.

     ARTIGO 24.- A Xunta Rectora da Mancomunidade fará xuntanzas ordi­na­rias nos meses de Xaneiro, Marzo, Xuño, Setembro e Novembro. Nesta de­rra­deira xun­tan­za aprobarán­se os presupostos e Proxectos a levar á Asem­blea e na de Xaneiro prepara­rase a rendición de contas á Asemblea corres­pon­dente. As xuntanzas extraordinarias faranse cando o dispo­ña o Presi­dente ou calquera dos seus membros, neste caso, o Presidente ten a obriga de celebrala nun prazo de vinte días.

     ARTIGO 25- O quorum para celebrar Xuntanza establécese no 50% das Comunida­des que teñan representación nela. Os acordos tomaranse por maioría sim­ple, con voto de calidade do Presidente en caso de empate. Cada Co­mu­nidade só terá un voto nas xuntanzas da Rectora da Mancomu­nidade. Res­pec­tará­se o man­tido po­las minorías sem­pre que non entor­peza a mar­cha da xes­tión da Xunta Rec­tora e, a máis, permiti­rase a dis­cre­pancia pública.

     Para que sexa válida a xuntanza da Xunta Rectora deberá asisti­lo Presidente ou, coa súa delegación, o Vicepresidente. A asistencia as xun­tanzas é persoal non admitíndo­se delegacións.

     ARTIGO 26.- As reunións da Xunta Rectora da Mancomunidade pode­rá acudir, con voz somentes, cal­quera membro das Xuntas Rectoras das Comunidades mem­bros.

     ARTIGO 27.- Son competencias da Xunta Rectora da Mancomunidade:

         - Desenrola-los obxetivos da Mancomunidade.

         - A execución dos Acordos das Asembleas.

         - A presentación de novos membros diante da Asemblea Xe­ral.

         - A confección de orzamentos e cotas, tanto anu­ais como ex­tra­ordi­na­rios. A confección, tamén, das contas anu­ais e Proxectos da Man­co­muni­da­de.

         - Plantexar ante á Asemblea as propostas de sanción polo incum­pri­mento dos Esta­tutos ou acordos da Asemblea Xeral da Mancomu­nidade.

         - Estudialos desacordos entre os membros sempre que as Comuni­da­des en con­flito o soliciten.

         - Estudio das posibles federacións ou unións con outras Comuni­da­des, manco­mu­ni­dades, federacións, organizacións, etc.

         - Propoñela reorganización da Mancomunidade noutras Manco­muni­dades.

         - Levar a Asemblea a aceptación de doacións, subvenciós, etc.

         - Propoñer os posibles colaboradores da Mancomunidade.

         - Resolver as reclamacións previas á decisión asemblearia con­tra acor­dos adopta­dos.

         - Colaborar por mandato da Asemblea con outras asociacións ou mancomu­nidades semellan­tes.

CAPITULO 5: DOS MEMBROS DE XUNTA RECTORA DA MANCOMUNIDADE

     ARTIGO 28.- A Xunta Rectora da Mancomunidade terá un mandato de ca­tro anos. Estará formada por: Presidente, Vicepresidente, Secreta­rio, Tesourei­ro e un núme­ro de Vo­cais indetermina­do. Procurarase que haxa un xunteiro por cada Conce­llo das Comunidades-membro. Todo­los car­gos son de libre eleción da Asemblea Xeral.

     ARTIGO 29.- O Presidente da Xunta Rectora da Mancomunidade terá a represen­ta­ción legal da Manco­munidade e presidirá, moderará e con­vocará as Xuntan­zas. No dito anterior­mente, quen presida a Mancomu­nidade deberá ­se ater ó que se exprese nas Leis, nos Estatu­tos e nos acordos da Asem­blea Xeral da Mancomunidade e das Xuntanzas da propia Xunta Rectora. Terá conxuntamente co Tesou­rei­ro o asino para dis­po­sicións de fondos da Mancomu­ni­dade. O Vicepresi­dente susti­tuirá nas suas funcións ó Presidente nas suas ausen­cias.

     No caso de deixar de ser membros da Xunta Rectora da Mancomuni­da­de o Presi­dente e mailo Vicepre­sidente, procede­rase, polo Secreta­rio, á convo­catoria dunha Asemblea Xeral Extraordinaria para elexir unha nova Recto­ra da Mancomunidade.

     ARTIGO 30.- O Secretario é o responsable de levar o Libro Re­xistro de Comu­nidades membros e o Libro de Actas, re­collen­do nel os acordos das Asembleas Xerais e os das xun­tanzas da Xunta Rectora da Manco­munida­de. Xunto co Pre­si­dente en­car­garase das rela­cións coas Adminis­tra­cións. Manterá o arquivo xeral da Mancomunida­de co seu Libro rexistro da Documen­ta­cion. No mes de Xa­neiro de cada ano pre­senta­rase na De­lega­ción co­rrespon­dente co­pia cer­ti­ficada do Libro Re­xistro de Comu­nida­des mem­bros. Os devanditos libros terán a dili­xencia de apertura da Dele­ga­ción corres­pon­dente.

     ARTIGO 31.- O Tesoureiro é o responsable de leva-las contas da Man­co­munida­de, de prepara-los orzamentos, a rendición das contas anuais e, en xeral, de todo­los asuntos na Mancomunidade que teñan que ver coa eco­nomía. Xunto co Presidente asinará os talóns de dis­posición de fondos nas enti­dades fi­nancieiras. Levará o Libro de Contas da Manco­munidade que terá a mesma dilixencia que os outros.

     ARTIGO 32.- O número de Vocais é indeterminado. Os Vocais terán mi­sións de apoio ós res­tantes postos da Xunta. As Comunida­des que se mancomunen durante o periodo de mandato da Rectora poderán nomear unha ou duas persoas para formar parte da Rectora da Manco­muni­dade.

CAPITULO 6: RESPON­SABILIDADE DOS ORGANOS DE GOBERNO

     ARTIGO 33.- A Asemblea Xeral será responsable ante as Comunida­des membro da boa marcha da Mancomu­nida­de, e do cum­pri­men­to das súas obrigas, dos Estatutos e demáis leis, regu­lamentos e dis­posi­cións sobor dos Montes Veciñais.

     ARTIGO 34.- Na mesma responsabilidade incurre a Xunta Rectora diante da Asemblea Xeral. A responsabilidade da Xunta Rectora da Mancomunida­de será colexia­da, agás que algún dos seus membros tras­pase as facultades que lle fo­ron en­co­men­dadas ou actue a nivel per­soal diante de terceiros, caso en que esi­xi­ráselle res­ponsabilidade per­soal.

     ARTIGO 35.- O representante dunha Comunidade que sobor dalgún asunto teña orde imperativa será responsable do seu cumprimento di­ante de Xunta Rectora que a teña ordea­do.

CAPITULO 7: IMPUGNACIONS DOS ACORDOS

     ARTIGO 36.- Os acordos contrarios á Lei, Regulamento, disposi­cións legais, Esta­tutos e a outros acordos prevalentes das Asembleas Xerais serán nulos nos seus efectos dende o día que se teñan tomado. A impugan­ción de tais acordos poderá ser feita, sen prazo, por cal­quera Comunidade ou comuneiro.

     ARTIGO 37.- Calquera Comunidade ou comuneiro poderá defende-los in­tereses da Man­comunidade, tendo que serlle reintegrados os gastos que lle ocasione tal defen­sa, sempre que prosperen as súas preten­sións ou sexa aprobado pola Xunta Rectora da Mancomunida­de.

CAPITULO 8: RENOVACION DE XUNTA RECTORA DA MANCOMUNIDADE

     ARTIGO 38.- O finalizaren o prazo de catro anos a Xunta Rectora da Mancomu­nida­de terá o caracter de "en funcións". O Presidente con­vocará Asemblea Xeral co fin de:

         -Anuncialas eleccións para nova Xunta Rectora da Mancomu­nidade.

         -Sinalala data, lugar e hora de celebración das eleccións.

         -Designala Mesa electoral.

         -Aprobalo calendario electoral.

     ARTIGO 39.- A Asemblea Xeral para a elección da Xunta Rectora convo­carase canto menos con 30 días de antela­ción.

     ARTIGO 40.- Co fin de que prevaleza o principio de igualdade de o­portunida­des, a Xunta Rectora en funcións elaborará as papeletas de toda­los candidaturas entregandoas ó Presidente da Mesa Electoral. As papele­tas teñen que ser iguais en forma, tamaño, cor e número. A Xunta Rectora en funcións envia­rá a cada Comunidade mem­bro unha pa­peleta de cada candi­datura presentada.

     ARTIGO 41.- O prazo para presentar candidaturas será de 20 días na­turais contados a partir do día seguinte o que se celebrou a Asem­blea Xe­ral para marcala data e demais circunstancias das eleccións.

     ARTIGO 42.- No suposto de só haxa unha candidatura, a votación será a man alzada. Será secreta se algun representante o solicita.

     ARTIGO 43.- No caso de empate entre varias candidaturas, na Asemblea Xeral se fixarán as circunstancias dunha nova Asemblea no que só poderán participalas candidatu­ras empatadas co maior número de votos.

     ARTIGO 44.- Cada candidatura poderá designar un interventor para a millor marcha do proceso electoral coa condición de que nin­gun interven­tor poderá ser membro de nin­gunha candidatura.

     ARTIGO 45.- Calquera incidente ou recurso que se presente du­rante a cele­bra­ción das eleccións reflectirase na acta levantada a tal efecto polo Secretario da Mesa elec­to­ral e resolverase na na propia Asem­blea Xeral a conti­nuación do es­cru­ti­neo e reconto dos vo­tos.Tal acordo po­derá ser impug­nado diante da Xurisdicción ordina­ria nos dous meses se­guintes.

     ARTIGO 46.- Unha vez resoltos os incidentes e recursos ós que se refire o artigo anterior, acordarase sobre a validez da elección. Se é o caso, procederase a proclamación da nova Xunta Rectora.

     Nunha Xuntanza na que participaran as Xuntas Rectoras nova e vella e que se cele­brará antes dos 15 días seguintes á proclamación procederase o relevo e tras­paso de documentación. O resultado da Xuntanza reflectirase nun Acta.

CAPITULO 9: EXTINCION DA MANCOMUNIDADE

     ARTIGO 47.- A Mancomunidade extinguirase por calquera das se­guintes causas:

         - Por disposición legal

         - Por renuncia de todo-los seus membros

         - Por deixar de existi-las causas que á motivaron.

     ARTIGO 48.- Unha vez extinguida a Mancomunidade procederase pola Xunta Rec­tora da Mancomunidade ó reparto equitativo de tódolos seus bens entre as Comu­nida­des que a for­men no intre da extinción.

DISPOSICIONS TRANSITORIAS

     PRIMEIRA.- Para a elección da primeira Xunta Rectora convocara­se á Asemblea Xeral da Mancomunidade polos promotores destes Estatu­tos. No caso de que non se chegue á formación dunha Rectora por a­cordo una­níme, proce­derase do seguinte xei­to:

         A Mesa electoral estará composta polo comuneiro presente de máis idade que actua­rá como Presidente da Mesma e o máis mozo que actuará como Secretario. As candi­datu­ras que concorran ás eleccións poderán de­signar cada unha delas un inter­ventor na Mesa coa condi­ción de que non formen parte de ningunha candidatura.

         Terá capacidade para ser elexido calquera comuneiro que sexa avala­do pola Xunta Rectora da Comunida­de á que perteñeza. Toda­las Comuni­dades que pre­sen­ten candida­turas ou candidatos deberán cumplilos requisi­tos que se exixen nes­tes Esta­tutos para seren mem­bros da Mancomunidade.

     No non sinalado nesta disposición encol da elección rexirá o que se di nes­tes Estatutos para as eleccións sucesivas.

     SEGUNDA.- Se fixa en 9.000 ptas. a cota para o primeiro ano, o da cons­titu­ción da Mancomunida­de. Con esta cantidade farase frente ós cus­tos ini­ciais de constitución e de fun­cionamento no primeiro ano. Abonarase no intre de constituir­se a primeira Xunta Rec­tora da Mancomunidade.

DISPOSICION ADICIONAL

     PRIMEIRA.- Cada Comunidade membro ten dereito a ter un exemplar dos Estatu­tos vi­xentes na Mancomunidade.

DISPOSICIONS FINAIS

     PRIMEIRA.- No non previsto nestes Estatutos regulará a Lei 13/­1.989 do 10 de Ou­tubro de Montes Veciñais en Man Común promulgada polo Parla­mento de Gali­cía, o Regula­mento para e execución da dita Lei aprobado polo Decreto 260/1.992 e, no seu de­fec­to, a lexislación xeral.

     SEGUNDA.- Estes Estatutos surtirán efecto ó día se­guinte da sua pre­sentación no rexistro que corresponda ós MVMC.